دوبیتیهای محلی وهزارگی

الا یار جان خودا باشه نگهدار


دَ خود خو جور کدِه پیرون گولدار

پیش درگه شیشته قَد خو میخندی

صــــبا دیگه صـــــبا موری دَمازار

مَه قوربانت شوُم ای لاته بر سر

چرا ایستاده ای دیوال برابر

اگه مَیلت به آشوقی نباشه

خوده بیگر خُوار مَرَه برادر



*******************

چطور خوش خوش موره دَبله شُود یار

آدم بــــــلیبور آشــــوق هوشیار

آشوق بد رفت وآمد موکونه

زده مــــــا آشوقه مـــــلامد موکونه

***********

تکیه کدم گوشه قلای دیده

گردون کیل چشیم درای دیده

موره میه یکریز ازپیش چشیم مه

خندای خوب گل سیمای دیده

***********

تا موشد سفر تنای دیده

صبا بخیر موروم درای دیده

خدایاامشوه زود ترصبا کن

دیل خومیلوم ده پیش پای دیده

**********

تامو شد فراق غمای تو الی

صبا بخیر میوم درای توالی

قرار ده دیل نیه از شوق دیدار

تا ماخ کنوم خاک پایای توالی

**********

الی دیده که هردم قار موکونی

گلای محبت ره خار موکونی

پیشنه تو تروشه لبای تو آوزو

دیله از زنده گی بیزار موکونی

کشکی خانه مه رو ده روی توبودی

نان سه وقت مه ده پالوی توبودی

صبح بیگا که از خاوبال موشودی

دیدن روی تو آرزوی مه بودی

8

هلو دیلبر کجای بی قرارم

توان دوریت دیگر ندارم

بریت زنگ میزنم گوشی ره بردار

وگرنه میمیرم گوشی ره بردار

&&&

اموم روزی که دیده انطظاره

دسر بامشی آجه پیره داره

***********

بیا ایدل توکل برخدا کن

ازموری خانه دیده جانه صدا کن

اگر دیدی که بیدار استه آجه

موری ره کور کده پسکی دوتا کو

**********

توکه موری بلده تو دیق موکونوم

اوی کده بلدیت ایق ایق موکونوم

توکه موری مه مینالوم زغم تو

خودرا کوشته سوخته جیق جیق موکونوم

***************

روی خو سون آغیل گودره کونوم ما

بوروم آغی خوره بدرا کنوم ما

اگر ازگفت نشد نه مد قد ازمه

بلده شی اوی کده چوقرا کنوم ما

************

خداوندا ده دیل اربو کلویه

ده دیل میل وطن رفتو کلویه

وطن موروم سیل گل زیبای خو

اموگلگ ازمه خمتمایه

***********

چقیس نوربند خوشسیمای دیده

بوتی کور بلند ده پای دیده

دسمال شی کش کدم اوقد چپات زد

بوی قورتی میداد دستای دیده

************

مویا زَنگول زده چیشما سیا قیل

مه قــــــوربان بِیَه بِلدار دیده

غمای شی کار کَدَه بیخی سر دیل

مَرَه ازی کـــــلو تـــَنه مه نَیِل

آتــــیش دَبَله تُـــــــلغه مه نَیل

بیا کـــی بیشنی پالو دَ پالو

غصه دَ دیـــل شاریده مه نَـــِیل





سری کوی بیــــلند آیـــل و مایـــل

چی بد کردم کی دیل دادم به جاییل

کی جاییل کار های جاییلی کد

خودش رفت و مرا سنگ زیمی کد

دوبیتی های هزارهگی ردیف (ر )

گول صد برگ تا ویستو یه دوختر

خیراج مُو لگ تُرکستویه دوختر

اگر چَن د یر در خانه بمانه

پیش مادر پدر میمو یه دوختر



گول آلو گول بو لو یه دوختر

کبو تر بر لب دید گویه دوختر

بُورید با مادر دوختر بگوید

دو شو خانه پدر میمو یه دوختر

عرقچین سَرَت سِه شاهی کلدار

بیگانه شُوی نکو غیر از وطندار

بیگانه شُوی نکو بیگانه میشی

پس باچه وطن دیـــوانه میـــــشی





جـــــــنگ و زدون دنیایی دَ یگ سر

غم از تو وتنهای دَیگ سر

غم جنجال پَگ شی تیر شیدنی یه

الی ماتم جودایی دَیگ سر

مسلمانا سفر دارم دَبَر گر

نمگ را میفروشم روغن برابر

نمگ را میفروشم چیزی نموگوم

ترا زو می دهم با دست دیلبر

خانه دَپای کیجه ما بَلیخور



چادر دَ روی شی پیجه ما بلیخور

دَ قد دو خترو جوره نداره

پری دَ پیش شی هیجه ما بلیخور

امــــو بِیــــه تیاغه مــا بلیخور

امو وُنگه چیراغه مــا بَلیخور

کی آشوق دردِ چشــمانش نبینه

پَغَچی دَمــــا غه مابلیــــــــخور







چادر باد گلونه ما بلیبور

شیشته تی دالونه ما بلیبور

دَراه گشتو کلو نَخره مو کونی

ناز و نخره کلونه ما بلیبور

**************

آغیل روی درویه ما بلیخور



کی یارمه لب جویه ما بلیخور



کی یارمه لب جویه کالا موشویه



چادرشی گیرد رویه ما بلیخور

********

آموم روزی کی یارمه مَدگوآو داد



سون شی کی تُق کَدوم نول خوره توداد



پدر کارِی آشوقی ره نالد



ازشی گیله کدُوم دیسمال نَوداد

**********

مره دیدی روی خو گرداندی دیده

زخم ناسور ده دل مه ماندی دیده

رموز آشوقی ره خوب موفاموم

شینگ لاتهِ خوره گولاندی دیده

**********

بشینوم ســـــال و ماه د آرزوی تو

دیل مه باریک شوده از تار موی تو

امــــــی ره از دیل بیچاره موگوم

مره آتیش می زنه خـــــال روی تو

************

صباي گا اَمادُوم دَ خانِه تو

وقت نماز وادِه خمير زدِه تو

ديستاي نازوكت ‌منِه خمير بود

سَتكه‌ موخورد شَرَنگ مي‌زد روپْيِه تو